Lokað námskeið fyrir unglinga í Barre og Pilates

Námskeiðið er haldið í samstarfi við lífstílvörumerkið KENZEN. Allir þátttakendur fá Barre-kit frá Kenzen.

Á námskeiðinu mun Lana Kristinsdóttir, eigandi og stofnandi KENZEN, koma í heimsókn og segja frá stofnun fyrirtækisins, sem hún stofnaði aðeins 21 árs gömul.

Á unglingsaldri hætta margir í hefðbundnu tómstundastarfi. Því er mikilvægt að bjóða upp á hreyfingu sem er bæði skemmtileg og uppbyggileg og styrkir sjálfstraust – bæði líkamlega og andlega.

Barre og Pilates eru fjölbreytt æfingakerfi sem leggja áherslu á styrk, liðleika og góða líkamsbeitingu. Unnið er með létt lóð, bolta og teygjur í lifandi og krefjandi æfingum.

Tímarnir henta jafnt byrjendum sem þeim sem hafa stundað íþróttir áður og fara fram undir faglegri leiðsögn þjálfara.